လက်ရှိ အ ခြေ အ နေ

လက်ရှိသီရိလင်္ကာရဲ့ အခြေအနေကတော့ သတိထားနေရတဲ့အဆင့်မှာပေါ့။ ၂၁၊၄၊၂၀၁၉ တနင်္ဂနွေနေ့မှာ နံနက်ပိုင်း ၈-နာရီခွဲမှာ ကိုလံဘိုမြို့မှာ ချက်ကျောင်းနဲ့ ကြယ်ငါးပွင့်ဟောတည်အပါအဝင် ၈ နေရာ ဗုံးပေါက်ကွဲခဲ့တယ်။ အဲဒီနေ့မှာဘဲ တနင်္ဂနွေ၊ တနင်္လာ နဲ့ အင်္ဂါနေ့ ၃ ရက် ကျောင်းတက္ကသိုလ် သင်တန်းဌာနအားလုံးပိတ်ထားရမယ်လို့ ကြေငြာချက်ထုတ်လိုက်တယ်။ အဲဒီနေ့ကစလို့ နေရာတိုင်းမှာ စစ်ဆေးရေးဌာနတွေဖြစ်လာပါတော့တယ်။ အထူးသဖြင့် လေယာဉ်ကွင်းမှာဆိုရင် ပိုစစ်ကြတယ်။ လေယာဉ်ကွင်း စစ်ဆေးရေးဌာနတောင်မှ ခရီးသည်ဘဲဝင်ခွင့်ရှိပြီး ဧည့်သည်တွေမဝင်ရလို့ ကန့်သတ်ထားလိုက်တယ်။ အဲဒီတနင်္ဂနွေနေ့ ညနေပိုင်းမှာဘဲ ရဲတွေသတင်းရလို့ သံသယရှိသူတွေကို ဖမ်းဆီးရင်း အဓိကကြိုးကိုင်တဲ့သူကိုလည်း ဖမ်းဆီးခဲ့ရတယ်။ အဓိကကြိုးကိုင်သူခေါင်းဆောင်ကိုတော့ ဗလီအနီးတိုက်တစ်ခုမှာ ဖမ်းဆီးလိုက်ရတယ်လို့ ကြားရပါတယ်။ ဗုံးဖောက်ခွဲတဲ့အစီအစဉ်ထဲ ၁၃ ဦး တနင်္ဂနွေနေ့ညနေမှာ ဖမ်းဆီးခဲ့ရပါတယ်။ 

တနင်္လာနေ့မှာ အခြေအနေက ကောင်းလာပြီလို့ ထင်တုန်းဘဲရှိသေးတယ်။ တနင်္ဂလာနေ့ညနေက သတင်းထုတ်ပြန်ချက်အရ တနင်္လာနေ့မှာ မကွဲသေးတဲ့ ဗုံး ၈၂ လုံး ရှာဖွေတွေ့ရှိခဲ့တယ်လို့ ကြားပါတယ်။ အဲဒီဗုံးတွေက လူစည်ကားတဲ့နေရာ ဈေးဆိုင်၊ ကားမှတ်တိုင်နဲ့ လမ်းဆုံအနီးတွေမှာ များပါတယ်။ ဗုံးတစ်ခုကဆိုရင် ဂတ်စ်အိုးထဲထည့်ထားတာ၊ အဲဒီအပေါ်မှာ သီရိလင်္ကာပိုက်ဆံ တစ်ထောင်တန်နဲ့ ကြိုးကလေးချည်ထားတာ၊ ပိုက်ဆံကိုအဲဒီ ဂတ်စ်အိုးပေါ်မှာတင်ထားတာ၊ ကံကောင်းလို့သွားယူတဲ့သူကမရှိ၊ အကယ်၍ ပိုက်ဆံလိုနေတဲ့သူတစ်ဦးဦး၊ ရချင်တဲ့သူတစ်ဦးဦးက အဲဒီပိုက်ဆံကို သွားဆွဲကြည့်လိုက်ရင် ကြိုးကလေးကလွတ်ပြီး အဲဒီဗုံးကပေါက်ကွဲမှာလို့ ဆိုပါတယ်။ ရှာဖွေတွေ့ရှိတာက ၈၂ လုံး၊ မတွေ့သေးတာများရှိနေသေးလား မသိဘူး။ 

စဖြစ်ဖြစ်ချင်းမှာဘဲ Isis လို့ပြောနေကြတာ။ အထူးသဖြင့် မွတ်စလင်တွေကို ပိုပြီးသတိထားကြတယ်။ သံသယရှိသူတွေကရော၊ ဖမ်းမိထားတဲ့တကယ်လုပ်နေတဲ့သူတွေကရော အားလုံးက မွတ်စလင်တွေချည်းဖြစ်နေတာ။ အစိုးရပိုင်းမှာလည်း အရင်က မဟိန္ဒလက်ထက်က တပ်ထားတဲ့ စီစီကင်မရာတွေကို ဖြုတ်ပြီးတော့ ပြည်သူတွေလွတ်လွတ်လပ်လပ်သွာလာပါစေဆိုတဲ့ အကြောင်းပြချက်တွေကိုလည်း သံသယဝင်လာကြပါတယ်။ နောက်ပြီး လွန်ခဲ့သည့် နှစ်နှစ်တုန်းက စေတီတစ်ဆူထဲဝင်ပြီး ဗုဒ္ဓဆင်းတုတော်ရဲ့ မျက်လုံးကိုဖောက်ပြီး ခေါင်းတော်ဖြုတ်တဲ့ မွတ်စလင်ကလေးနှစ်ယောက်ကို Isis ရဲ့စေခိုင်းမှုလို့ ထွက်ဆိုထားတာတောင် အရေးမယူခဲ့တဲ့ ဖြစ်ရပ်တွေအတွက်လည်း ပြည်သူတွေပိုပြီး အပြစ်မြင်လာပါတော့တယ်။ 

တကယ်ဖြစ်ရပ်တွေက ကြောက်စရာလည်း အင်မတန်ကောင်းလာပါတော့တယ်။ မနေ့ညက ကျောင်းရှေ့မှာ လမ်းလျှောက်ဖြတ်သွားတဲ့ ဗလီဆရာတစ်ယောက်ကို လူချင်းခင်တာနဲ့ ကျောင်းဘုန်းကြီးက မင်းတို့ ကလေးတွေကို လူသတ်ဖို့ သတ်ပေးနေသလား လို့ မေးတယ်။ ဗလီကဆရာကလည်း ဘာမှမပြောဘဲ ထွက်သွားတယ်။ အခြေအနေကဘယ်လိုနေလဲတော့ မသိဘူး။ ဒီနေ့မနက် ဗလီက သူတို့ဘုရားရှိခိုးသံတွေ မကြားရတော့ဘူး။ 

ဒီနေ့ Google ထဲဝင်ကြည့်လို့ရတဲ့ သတင်းတွေထဲက ဒီနေ့နောက်ဆုံးတင်ပြထားတဲ့သတင်းအရ အခင်းဖြစ်ပွားမှုနဲ့ပတ်သက်ပြီး သေသူသုံးရာကျော်နဲ့ ဒဏ်ရာရသူ ငါးရာကျော်လို့ တွေ့ရတယ်။ကိုယ်တောင် ဒီနေ့မကုဋာရာမမြန်မာကျောင်းသွားပြီး သတင်းလေးဘာလေး သွားယူမလို့လုပ်နေတာ။ ဒီပတ်ဝန်းကျင်မှာ မွတ်စလင်တွေကများတယ်လေ၊ နောက်ပြီးတော့ မကုဋရာမမြန်မာကျောင်းပတ်ပတ်လည်ကလည်း မွတ်စလင်တွေဘဲလေ။ မဝေးဘူးဆိုပေမယ့် အရမ်းကြီးနီးတာလည်း မဟုတ်တော့ ဒီနေ့မသွားဖြစ်တော့ဘူး။

မြန်မာဆိုလို့ ကိုယ်တစ်ဦးတည်းရှိတဲ့နေရာ၊ ဘယ်သူနဲ့မှလည်း မနီး။ တစ်ခုခုဖြစ်ရင် ဘယ်သူမှ သိလိုက်မှာ မဟုတ်ဘူး။ 

ဒီနေ့ဘဲ လမ်းကျဉ်းတစ်ခုက ဆိုင်ကယ်ငါးစီးနဲ့လာတဲ့အဖွဲ့ကိုစစ်ဆေးလိုက်ရာ  အသေခံဖောက်ခွဲမယ့် ဗုံးပါတဲ့ဆိုင်ကယ်နှစ်စီးလည်း ပါဝင်နေလို့ စိုးရိမ်စရာတွေက တစ်နေ့ထက်တစ်နေ့ပိုကဲလာတော့ မနက်ဖြန်ပြန်ဖွင့်မယ့် ကျောင်းတွေ တောင် မဖွင့်ဘဲ တစ်ပတ်တိတိ ထပ်ပိတ်လိုက်ရတယ်။ နောက်တစ်ပတ်တနင်္လာနေ့မှ ကျောင်းတွေပြန်ဖွင့်မယ် ဖြစ်ပါတယ်။ 

အခုဆိုရင် အဓိက ဖေ့်စ်ဘုတ်ခ် နဲ့ အခြား လူမှုကွန်ယပ်မီဒီယာတွေ ပိတ်ထားတော့ ဘယ်သူနဲ့မှာ အဆက်အသွယ်ကမရ။ ဒီနောက်ပိုင်းမှာ ဂျီမေးလ်တို့ ဘလော်ဂ်တို့ဆိုတာကလည်း လှည့်ကြည့်တဲ့သူတွေ မရှိဘူးလေ။ Line က တော့ သုံးလို့ရတယ်။ ကိုယ့်ရဲ့အသိတွေထဲမှာ Line သုံးတဲ့သူတွေလည်း သိပ်မတွေ့ရဘူး။ သုံးတဲ့သူတွေလည်း Active မဖြစ်ကြတာတွေ့ရတယ်။ Line လုပ်ထားပြီး သုံးတဲ့သူမရှိလို့ မသုံးကြတာလည်းမသိဘူး။ Message ပို့ကြည့်လည်း ဘယ်အကောင့်မှ မကြည့်ကြဘူး။

ဖေ့စ်ဘုတ်ခ် သုံးလို့မရတာနဲ့ အခုတော့ ဘလော့ဂ်ပေါ်မှာဘဲ တင်ထားတော့မယ်။ 
တွေ့တဲ့သူတွေရှိရင် မျှဝေလိုက်ပါဦးလို့။ 
ကျေးဇူးတင်ပါသည်။ 

အရှင်နန္ဒိယ (ဖယ်ခုံ)

၂၃.၀၄.၂၀၁၉ 11:25:00 AM

Nandiyabhikkhu.blogspot.com

Konesone.blogspot.com